Gagica: Mirënjohje të përjetshme për dëshmorët e rënë, heronjtë që i dhanë jetën lirisë dhe trimat që e mbajtën të gjallë flakën e qëndresës

“Vetëm 19 ditë pas Epopesë së lavdishme të Jasharajve në Prekaz, një tjetër betejë heroike shpërtheu në zemër të Dukagjinit, në Gllogjan, ku kulla madhështore e Haradinajve dhe trimat e saj ngrihen në mbrojtje të atdheut”, thotë Nazim Gagica, kryetar i Aleancës për Ardhmërinë e Kosovës (AAK), dega në gjilan.

Gagica tha se më 24 mars 1998, në zemër të Dukagjinit, luftëtarët e Ushtrisë Çlirimtare të Kosovës, të udhëhequr nga Ramush Haradinaj, i dolën përballë forcave të shumta serbe, duke u bërë mburojë për popullin dhe duke shënuar një nga momentet më të rëndësishme të rezistencës shqiptare.

“Sot, në përvjetorin e 27-të të kësaj beteje të lavdishme, kujtojmë me respekt të thellë dhe mirënjohje të përjetshme për dëshmorët e rënë, heronjtë që i dhanë jetën lirisë dhe trimat që e mbajtën të gjallë flakën e qëndresës. Lavdi të përjetshme dëshmorëve të kombit”, ka thënë Gagica  i AAK-së. /2LONLINE/