Gagica: Me Jon Veselin, bashkë për ta çuar rininë në vendimmarrje!

Nazim Gagica, kreu i AAK-së së Gjilanit, njëherësh kandidat për kryetar komune në zgjedhjet që pritet të mbahen në tetor, ka bërë me dije se pjesë e listës së këtij subjekti politik, në garën për asamble komunale, do të jetë edhe Jon Veseli.

“Sot, krah për krah me një nga të rinjtë më premtues të qytetit tonë – Jon Veselin. Ai është kryetar i të rinjve të Aleancës, student i shkëlqyeshëm i mjekësisë, dhe mbi të gjitha, një zë i guximshëm e i përkushtuar i gjeneratës së re”, thotë Gagica.

Sipas të parit të AAK-së, Joni përfaqëson vlerat, energjinë dhe idealizmin që i duhet Kuvendit të Gjilanit.

“Me Jonin në Kuvend, rinia do të ketë përfaqësimin që e meriton – të fuqishëm, të përgjegjshëm dhe të pa kompromis për të ardhmen e qytetit. Bashkë për ta çuar rininë në vendimmarrje. Na priftê e mbara!”, ka thënë Nazim Gagica i AAK-së. /2LONLINE/