Gagica kujton Bajramin: Në përvjetorin e parë të ndarjes nga jeta të mësuesit dhe atdhetarit, Muharrem Bajrami – Muja

“Para një viti u nda nga jeta pedagogu, atdhetari dhe humanisti Muharrem Bajrami – Muja. Për më shumë se gjysmë shekulli ai i shërbeu arsimit, çështjes kombëtare dhe njerëzve në nevojë”, thotë Nazim Gagica, kreu i AAK-së së Gjilanit.

Ai tha poashtu se, edhe në moshën e pleqërisë Muharrem Bajrami – Muja nuk pushoi së angazhuari, duke u bërë zë i pensionistëve dhe i të pambrojturve. Për përkushtimin e tij kombëtar u arrestua dhe u burgos më 1999, por kurrë nuk u gjunjëzua.

“Trashëgimia e tij vazhdon edhe përmes familjes: djali i tij, Elhami Bajrami, kontribuoi në sport dhe në luftë, si veteran i sportit dhe i Ushtrisë Çlirimtare të Kosovës, ndërsa nipi i tij, Eruditi, përfaqëson gjeneratën e re si arkitekt i përkushtuar”, ka thënë tutje Gagica.

Ai shtoi se Muja do të mbetet përjetësisht “Muja i Gjilanit”, shembull i dijes, qëndresës dhe humanizmit.

“Lavdi jetës dhe veprës së mësuesit Muharrem Bajrami!”, ka thënë Nazim Gagica i AAK-së.  /2LONLINE/