Gagica: Kryetari i Aleancës, Ramush Haradinaj gjithmonë ka pasur një kujdes e respekt të veçantë për Gjilanin

“Kryetari i Aleancës, Ramush Haradinaj gjithmonë ka pasur një kujdes e respekt të veçantë për Gjilanin. Mbështetje të fuqishme degës së Aleancës i dha edhe në takimin që patëm sot në selinë e partisë në Prishtinë”, ka bërë me dije, Nazim Gagica, kryetar i Aleancës për Ardhmërinë e Kosovës (AAK), dega në Gjilan.

Ai  shtoi se Aleanca në Gjilan është fuqizuar me kuadro nga të gjitha profesionet, kuadro të dëshmuara në fushat që zotërojnë, njerëz të respektuar e familje që kanë lënë gjurmë në etapa të ndryshme të historisë sonë.

“Aleanca do të udhëheq me Gjilanin pas zgjedhjeve të ardhshme lokale sepse nuk ka edhe një zgjedhje tjetër, sepse vizioni i saj është i paalternativë. Faleminderit kryetarit Haradinaj për mbështetjen e vazhdueshme Aleancës në Gjilan, si dhe për mbështetjen e madhe për Gjilanin nga pozita e kryeministrit”, ka thënë Nazim Gagica i AAK-së.   /2LONLINE/