Gagica: Ilmi Mustafa, kandidati i vetëm nga diaspora, nis takimet me fqinjët e tij

Ndër ata që synojnë ulëse në Kuvendin Komunal të Gjilanit është edhe Ilmi Mustafa, i cili është pjesë e listës garuese të AAK-së në zgjedhjet lokale të 12 tetorit.

E, Nazim Gagica, kreu i AAK-së së Gjilanit, njëherësh kandidat për kryetar komune në zgjedhjet e 12 tetorit, ka bërë me dije se ishte sonte krah afaristit të suksesshëm në Gjermani, Ilmi Mustafa, që u takua me fqinjët e tij për të nisur punën drejt zgjedhjeve të tetorit.

“Ilmiu premton të sjellë përvojën e tij nga Gjermania për të investuar në zhvillimin e Gjilanit dhe për të krijuar mundësi pune për të rinjtë e qytetit”, bënë të ditur Nazim Gagica.

Ai bëri me dije se ky takim ishte hapi i parë drejt një fushate që ka për qëllim forcimin e komunitetit dhe përmirësimin e jetës së qytetarëve të Gjilanit.

“Për Gjilanin e Ri – së bashku me Ilmiun”, ka thënë Nazim Gagica i AAK-së. /2LONLINE/