Gagica: Gjilani ka nevojë për profesionistë që besojnë në vlerat e shërbimit publik dhe Flaka është njëra prej tyre

Nazim Gagica, kreu i AAK-së së Gjilanit, njëherësh kandidat për kryetar komune në zgjedhjet që pritet të mbahen në tetor, ka bërë me dije se pjesë e listës së këtij subjekti politik, në garën për asamble komunale, do të jetë edhe Flaka Haziri.

“Flaka Haziri, vajza e kolegut tonë dhe njërit ndër themeluesit e Aleancës, Sokol Haziri, vjen në garën për Kuvendin Komunal si përfaqësuese e gjeneratës së dytë që po e vazhdon me përkushtim rrugën e angazhimit politik” thotë Gagica.

Ai shtoi se, si ekonomiste e përgatitur dhe e përkushtuar, Flaka sjell me vete ide të reja, energji pozitive dhe vizion të qartë për zhvillimin e qëndrueshëm të Gjilanit. Ajo do të jetë një zë i fuqishëm për transparencë, zhvillim ekonomik dhe përfaqësim dinjitoz në Kuvendin Komunal.

“Gjilani ka nevojë për mendësi të re, për profesionistë që besojnë në vlerat e shërbimit publik – dhe Flaka është pikërisht njëra prej tyre. Flaka Haziri – Gjenerata e re, vizion i ri për Gjilanin”, ka thënë Nazim Gagica i AAK-së.  /2LONLINE/