Gagica: Gjilani i së nesërmes ndërtohet me punë dhe vendime të mençura sot

“Takim koordinues dhe përgatitor me strukturat udhëheqëse të AAK-së në Gjilan, në kuadër të përgatitjeve për zgjedhjet lokale që po afrohen”, thotë Nazim Gagica, kryetar i Aleancës për Ardhmërinë e Kosovës (AAK), Dega në Gjilan, njëherësh i nominuan, nga ky subjekt, kandidat për kryetar komune në zgjedhjet lokale që pritet të mbahen më 12 tetor.

Ai shtoi se fokus i veçantë i këtij takimi ishte finalizimi i listës garuese për Asamblenë Komunale, ndërsa për të dhënë kontributin e tij mori pjesë edhe deputeti i Kuvendit të Kosovës, Daut Haradinaj dhe anëtari i kryesisë, Ahmet Isufi.

Gagica tha se AAK po hyn në këto zgjedhje me besim të plotë në kapacitetin e vet për të sjellë ndryshim dhe për të kontribuar si faktor vendimmarrës në zhvillimin e Gjilanit për periudhën 2025–2033.

“Mbetemi të përkushtuar ndaj punës së ndershme, vizionit afatgjatë, dhe ndërtimit të një Gjilani më të drejtë për të gjithë qytetarët”, ka thënë Nazim Gagica, kryetar i AAK-së së Gjilanit, njëherësh kandidat për kryetar komune në zgjedhjet lokale që pritet të mbahen më 12 tetor.  /2LONLINE/.

z