Gagica flet për aderimet: Jemi adresë serioze politike, kemi dëshmuar se jemi më të mirët

Kryetari i Aleancës për Ardhmërinë e Kosovës (AAK) dega në Gjilan, Nazim Gagica, ka njoftuar se këtij subjekti politik i janë bashkuar një numër i të rinjve gjilanas.

Gagica ka thënë se AAK vazhdon të jetë shembulli më i mirë i qeverisjes së pastër zhvillimore.

“Aleanca po rritet sepse edhe është ndërtuar mbi bazën e seriozitetit dhe vullnetit për punë e zhvillim në interes të përgjithshëm, sepse ajo po vazhdon të jetë shembulli më i mirë i qeverisjes së pastër dhe zhvillimore kudo që ajo qeverisë dhe që bashkëqeverisë”, ka thënë Gagica i AAK-së.

Ja deklarata e plotë:

Vazhdojnë fuqishëm ardhjet në Aleancën për Ardhmërinë e Kosovës në Gjilan. Sot, rrugëtimit tonë iu bashkuan një numër të rinjësh të suksesshëm në profesionet e tyre, kuadro që do të jenë vlerë e shtuar për Aleancën e për Gjilanin.

Aleanca po rritet sepse edhe është ndërtuar mbi bazën e seriozitetit dhe vullnetit për punë e zhvillim në interes të përgjithshëm, sepse ajo po vazhdon të jetë shembulli më i mirë i qeverisjes së pastër dhe zhvillimore kudo që ajo qeverisë dhe që bashkëqeverisë.

Vlerësojmë punën e palodhshme të bashkëatdhetarëve tanë, Ilmi Mustafa e Basri Ismajli të cilët po e fuqizojnë Aleancën në Diasporë por edhe në Gjilan.

Anëtarëve më të rinjë ju uroj suksese dhe rrugëtim të përbashkët për Gjilanin e për Kosovën! /2LONLINE/