Futbollisti i Dritës Igball Jashari i ftuar nga Kosova U21

Futbollisti i FC Drita, Igball Jashari, ka marrë ftesë për të përfaqësuar Kosovën në kuadër të kualifikimeve për Kampionatin Evropian 2027.

“Krenarë për ty, Igball! Të urojmë shumë suksese me fanellën dardane”, thuhet në urimin e klubit FC Drita.

Përndryshe, Kosova U21 do të zhvillojë tri ndeshje kualifikuese. Fillimisht, më 24 shtator 2026, do të përballet me San Marinon në udhëtim, me fillim nga ora 20:30, më pas, më 30 shtator, Kosova do të jetë nikoqire e Qipros, ndeshje kjo që do të fillojë në ora 19:00 dhe ndeshjen e fundit të këtij grumbullimi, Kosova U21 do ta zhvillojë më 6 tetor, kundër Finlandës, po ashtu si nikoqir. Ndeshja fillon në ora 19:00.   /2LONLINE/