Futbollisti Hamdi Namani i bashkohet Gjilanit si huazim nga Prishtina

Sport Club Gjilani dhe FC Prishtina kanë arritur marrëveshje për huazimin e Hamdi Namanit. Mesfushori 31 vjeçar vjen nga klubi kryeqytetas si futbollist i huazuar me të drejta të plota aktivizimi deri në fundin e edicionit.

Namani më parë ka qenë pjesë e disa skuadrave në vend, ndërkohë që në pjesën e parë të kampionatit ka dhënë kontribut për kryeqytetasit nga edhe mori dritën ‘jeshile’ për të t’u huazuar te ‘kuqebardhët’.

“SC Gjilani i uron mirëseardhje Hamdi Namanit dhe shpreh besimin se kontributi i tij do të jetë i rëndësishëm për skuadrën në vazhdim të sezonit”, thuhet në njoftimin zyrtar të klubit “kuq e bardh” nga Gjilani.  /2LONLINE/