Futbollisti Besar Halimi vishet “bardh e kaltër”

Drejtues të klubit FC Drita kanë bërë me dije se kanë zyrtarizuar prurjen e re që është futbollisti Besar Halimi.

“Forcë e re. Energji e re. I njëjti synim. Besar Halimi është përforcimi ynë më i ri dhe nga sot bëhet pjesë e familjes së FC Drita. Gjilanasi tashmë do t’i mbrojë ngjyrat Bardh e Kaltër, në klubin e qytetit të tij”, thuhet në njoftimin e FC Drita.

Sipas drejtuesve të klubit kampion, “bardh e kaltërtit” janë gati për sfidat që i presin.

“Gati për të dhënë gjithçka për fanellën, qytetin dhe stemën tonë. Mirë se vjen në shtëpi, Besar’, thuhet në fund të njoftimit të klubit, pas zyrtarizmit të përforcimit të ri.   /2LONLINE/