Futbollisti Armend Thaqi rinovon marrëveshjen me SC Gjilanin deri më 2028
Sport Club Gjilani ka vërë me dije se ka arritur marrëveshje me futbollistin Armend Thaqi për vazhdimin e bashkëpunimit deri në verën e vitit 2028.
“Pas bisedimeve të zhvilluara në frymë të mirëkuptimit dhe besimit të ndërsjellë, palët kanë vendosur të zgjasin kontratën, duke konfirmuar vazhdimësinë e rrugëtimit të përbashkët dhe objektivave sportive të klubit në vitet e ardhshme”, thuhet në njoftimin zyrtar të SC Gjilanit.
Tutje në njoftim thuhet se: Armend Thaqi do të vazhdojë të jetë pjesë e rëndësishme e projektit të Sport Club Gjilanit, ndërsa klubi shpreh kënaqësinë për arritjen e këtij akordi dhe i uron futbollistit suksese të mëtejshme me fanellën kuqebardhë.
“Sport Club Gjilani mbetet i përkushtuar në ndërtimin e një skuadre konkurruese dhe në realizimin e objektivave sportive”, thuhet në fund të njoftimit të klubit “kuq e bardh”. /2LONLINE/