Futbolli i Kosovës nga “lloqi” i arave të viteve ‘90, sot po shkruan historinë e re të tij

Futbolli i Kosovës nga “lloqi” i arave te viteve ‘90, sot po shkruan historinë e re të tij.

Shkruan: Sylejman Ismajli

Pas fitores ndaj Sllovenisë, Kombëtarja Dardane siguroi fazën Play Off drejt Kampionatit Botëror ne SHBA, Kanada dhe Meksikë.

Gëzimi, lotët dhe emocionet e futbollisteve tanë e bënë krenar gjithë kombin. Jemi edhe një hap afër ëndrrës se madhe, Botërorit.

Kosova nisi nga zero para vetëm 9 viteve. Vetëm entuziazmi na mbante gjallë, por dalëngadalë u ndërtua një kombëtare qe sot i bën shumë shtete ta kenë zili.

Në këtë rrugëtim, një rol te madh ka pasur edhe kryetari i FFK-së, Agim Ademi. Pavarësisht fyerjeve, sulmeve dhe paragjykimeve te shumta nga gazetare e analiste, ai vazhdoi me profesionalizëm dhe vizion.

Edhe ardhja e trajnerit gjerman Franco Foda u prit me kritika e dyshime, por puna e tij u pa në fushë: rinovim i kombëtares, afrimi i talentëve të rinj, përfshirja e lojtareve nga Superliga… dhe sot jemi në Play Off.

Nuk mund të mohohet se ky sukses është i gjithë stafit të FFK-së, që ka punuar pa u ndalur si dhe futbollistëve tanë të talentuar që po dëshmohen çdo ditë e me shumë. Ky është rezultat i një punë të përbashkët, i një vizioni të qartë dhe i një besimi të pathyeshëm në Kombëtaren tonë.

Vizioni, durimi dhe largpamësia e Agim Ademit po shpërblehen. Sot, kur kemi arritur këtë fazë suksesi, shumë kush hesht ndoshta të habitur nga rezultatet.

Por, për të, këto nuk janë befasi. Janë rezultat i punës.

Dhe për ata që nuk lanë gjë pa thënë e pa shkruar kundër tij, ndoshta është koha të kërkojnë falje!