Fushata kundër kancerit të gjirit në Spitalin e Gjilanit e sukseshme

Gjilan – (2LONLINE) –  Në kuadër të muajit të luftës kundër kancerit të gjirit edhe në Spitalin Rajonal të Gjilanit(SRGJ), gjegjësisht në repartin e Radiologjisë gjatë kësaj fushate, ka pasur gjithsej 193 paciente, 722 eksponime, ku prej tyre 2 janë diagnostifikuar me Ca dhe 10 me tumore beninje (fibroadenoma).

Zëdhënësi i SRGj-së, Dr.Selami Kurteshi  ka thënë se në këtë fushatë kanë qenë të angazhuar 5 mjek radiolog dhe 2 teknikë të Radiologjisë, të cilët kanë punuar në orar të plotë  dhe këto eksponime kanë qenë falas për të gjithë pacientet.

Kjo fushatë ka rezultuar e suksesshme kur dihet rëndësia e diagnostifikimit të hershëm të kancerit të gjirit. /2lonline/