Fundjava me vranësira e shi, në javën e ardhshme edhe borë

Sot pritet të mbajë mot kryesisht i vranët dhe me intervale me diell. Temperaturat minimale do të lëvizin në mes 2-4 gradë Celsius, kurse maksimalet e ditës nga 9 deri 11 gradë Celsius. Era do të fryjë nga drejtime të ndryshme me shpejtësi 1-5m/s.

Sipas IHMK, të premten do të mbajë mot kryesisht i ngjashëm sa i përket fushave të temperaturave maksimale, por që në orët e vona të ditës këto vranësira ka mundësi të shoqërohen me riga shiu të karakterit lokal.

Fundjava do të shoqërohet me mot kryesisht të vranët dhe me reshje shiu, të cilat do të jenë të dobëta deri mesatare. Temperaturat minimale do të lëvizin në mes 2 deri 4 gradë Celsius, kurse maksimalet nga 7 deri 9 gradë Celsius. Era do të fryjë nga veriu dhe jugperëndimi e lehtë deri mesatare.