FSK u rreshtua në nderim të “Epopesë së UÇK-së”

Ushtarët e Kosovës u rreshtuan sot në kazermën “Adem Jashari” në Prishtinë për të filluar manifestimin qendror të “Epopesë së Ushtrisë Çlirimtare të Kosovës” në nderim të Komandantit legjendar Adem Jashari, familjes Jashari dhe gjithë dëshmorëve dhe martirëve të rënë për liri.

Manifestimi qendror ka filluar me raportimin para Presidentës së Kosovës dhe Komandantit të Forcës së Sigurisë së Kosovës, në praninë e udhëheqësve më të lartë shtetëror, Oficerëve të lartë të FSK-së, ambasadorë, ushtarakë ndërkombëtarë dhe mysafir të ftuar.

Mysafirëve ju drejtuan, Presidentja dhe Kryeministri i Republikës së Kosovës, për të vazhduar me drillin e “Epopesë së UÇK-së” nga togu Ceremonial dhe pjesë artistike nga Orkestra Frymore e FSK-së, dhe duke kulmuar me motot e kuadrateve të Ushtrisë së Kosovës. /2LONLINE/