FSK pjesë e ushtrimit “Golden Sabre 2026”

Bazuar në skenarë të reagimeve emergjente nga institucionet e sigurisë në Kosovë në kampin Vrellë, u realizua Ushtrimi i përbashkët “Golden Sabre 2026” drejtuar nga KFOR, thuhet në njoftimin e FSK-së.

Përmes këtij ushtrimi u testuan procedurat operacionale, komunikimi dhe koordinimi ndermjet institucioneve përgjegjëse për menaxhimin e krizave, duke synuar rritjen e gatishmërisë dhe efektivitetit në perballimin e skenarëve të ndryshëm emergjentë.

Forca e Sigurisë së Kosovës mori pjesë në këtë ushtrim me njësitë e Gardës Kombëtare të Kërkim-Shpëtimit, EOD-së, si dhe ekipin e mjekësisë. Gjatë zhvillimit të ushtrimit, këto njësi demonstruan profesionalizem, gatishmëri dhe aftësi të larta operacionale në permbushjen e detyrave të tyre.

Pjesë e ushtrimit ” Golden Sabre 2026″ ishin agjencionet e Sigurisë që veprojnë në Kosovë: KFOR, FSK, Policia e Kosovës, Agjencia e Menaxhimit Emergjent (AME), dhe EULEX, thuhet në njoftimin e FSK-së. /2LONLINE/