FSK në konferencën për Fuqinë e Hapësirës Ajrore

Komandanti i Komandës së Doktrinës dhe Stërvitjes, gjeneral brigade Enver Cikaqi, me ftesë të komandantit të Forcave Ajrore të Turqisë, gjeneralit Akin Ozturk, mori pjesë në konferencën Ndërkombëtare mbi Fuqinë e Hapësirës Ajrore e cila është mbajtur në Stamboll të Turqisë.

Gjenerali Enver Cikaqi e cilësoi konferencën si një përvojë të mirë për të gjithë pjesëmarrësit në këtë konferencë e posaçërisht për FSK-në.

Ai përveç pjesëmarrjes në këtë konferencë, pati takime me delegacione të shteteve pjesëmarrëse të NATO-s, me të cilët ka shkëmbyer përvojat ushtarake, ndërsa një takim të veçantë e pati me komandantin e Forcave Ajrore të Turqisë, gjeneralin Akin Ozturk me të cilin ka biseduar për vazhdimin e bashkëpunimit ndërmjet FSK-së dhe Ushtrisë së Turqisë. Gjenerali Akin Ozturk premtoi vazhdimin e bashkëpunimit edhe në të ardhmen me FSK-në.

Sipas njoftimit të FSK-së, në Konferencën Ndërkombëtare mbi Fuqinë e Hapësirës Ajrore morën pjesë përfaqësues të të gjitha ushtrive të shteteve anëtare të NATO-s, ku gjatë zhvillimit të punimeve është diskutuar rreth Fuqisë së Hapësirës Ajrore si dhe mundësisë së participimi.