FSK: Ka përfunduar ushtrimi fushor “Ujku Bravo”

“Në kuadër të planit për validimin e Kompanive, Regjimenti i Tretë ka realizuar ushtrimin “Ujku Bravo” ku pjesëtarët e kompanisë janë sfiduar dhe trajnuar intensivisht për operacione togu, duke përfshirë përdorimin e të gjithë sistemeve të armatimit që i ka një kompani e këmbësorisë”, njofton Forca e Sigurisë së Kosovës (FSK).

Skenarët e ushtrimit janë përgatitur në përputhje me zhvillimet aktuale të luftës, duke përfshirë çarjen e pengesave si dhe reagimin ndaj sulmeve kimike.

Ky ushtrim ka qenë një mundësi e shkëlqyer për forcimin e aftësive, bashkëpunimit dhe gatishmërisë së pjesëtarëve të kompanisë për t’u përballur me sfidat e mundshme në terren. /2LONLINE/