FSK-ja e gatshme të bëhet Ushtri e Kosovës

Në gjashtëvjetorin e themelimit të Forcës së Sigurisë së Kosovës (FSK) krerët e kësaj force dhe ekspertët e sigurisë kanë vlerësuar se FSK-ja i ka plotësuar të gjitha objektivat e saj dhe është e gatshme të transformohet në Ushtri të Kosovës.

Komandanti i FSK-së, gjenerallejtënant Kadri Kastrati, ka thënë për “Epokën e re” se kjo forcë është krenaria e Kosovës. Ndërsa njohësi i çështjeve të sigurisë, Naim Maloku, ka deklaruar se FSK-ja ka përmbushur të gjitha objektivat që i ka pasur të përcaktuara me ligj, por ai ka shtuar se transformimi i saj në ushtri do të jetë më i vështirë sesa në mandatin e kaluar.