FSHF, 15 mijë euro premi për çdo futbollist të Kombëtares

Kombëtarja e Shqipërisë në futboll, sonte në “Elbasan Arena”, takohet me Portugalinë, në kuadër të kualifikimeve për Evropianin “Francë 2016”. Përballja mes Shqipërisë dhe Portugalisë nis në orën 20:45.

E, Federata Shqiptare e Futbollit ka vendosur t’i shpërblejë futbollistët e Kombëtares me premi të larta në rast të rezultatit pozitiv ndaj Portugalisë.

Ende nuk dihet e saktë shifra e premisë që do t’ua jap FSHF-ja lojtarëve, mirëpo burime brenda Federatës bëjnë me dije se shuma sillet diku rreth 15 mijë euro për lojtar në rast fitoreje apo barazimi, raporton “Panorama Sport”.

FSHF-ja pritet t’i shpërblejë lojtarët e Kombëtares me nga 5 mijë euro secilin për barazimin ndaj Danimarkës.