Fshati Budrikë po bëhet me asfalt të ri

/2L ONLINE/ – Rrugës së dëmtuar në fshatin Budrikë po i vjen fundi, pasi që sot kanë filluar punimet në asfaltimin e kësaj rruge. Me këtë rast Kryetari i Komunës së Vitisë, Sokol Haliti ka inspektuar sot punimet që janë duke u bërë në asfaltimin e rrugës së Budrikës e cila po financohet me mjete vetanake të komunës së Vitisë.

Banorët e këtij lokaliteti u shprehën të kënaqur që më në fund po bëhet asfaltimi i kësaj rruge pasi që sipas tyre rruga e vjetër ka qenë pothuajse e pakalueshme nga gropat e shumta.

Për ndryshe gjatë këtyre ditëve në territorin e komunës së Vitisë është duke u punuar shumë në rregullimin e infrastrukturës rrugore ku për momentin janë duke vazhduar punimet në rivitalizimin e rrugës magjistrale Kllokot-Viti-Gërlicë ndërsa së shpejti pritet të bëhet edhe rivitalizimi i rrugës magjistrale Kllokot-Ferizaj./2L ONLINE/