Fotografi gjilanas Bajrush Ahmeti nderohet me çmim në kategorinë “Fotografi Landscape”

Festivali Mbarëkombëtar i Fotografisë mblodhi në Lezhë, një numër artistësh nga trevat shqiptare, të cilët eksploruan dhe dokumentuan përmes objektivit të fotoaparatit të tyre atraksionet turistike dhe kulturën e zonës, punime këto që më pas u ekspozuan, për vizitorë, në shëtitoren “Wilson”, të Shëngjinit.

Në mesin e tyre ishte edhe fotografi gjilanas, Bajrush Ahmeti  i cili edhe u nderua me çmim në kategorinë “Fotografi Landscape”.

Bashkia në Lezhë i ka ndarë Bajrush Ahmetit, certifikatë mirënjohje me motivacionin: për kontributin e shquar në artin e fotografisë  si dhe në promovimin e pasurive natyrore dhe trashëgimisë kulturore të Lezhës dhe Shqipërisë.

Përndryshe, vet Ahmeti ka bërë me dije se ndihet i nderuar me këtë vlerësim.

“ I nderuar me çmim në kategorinë “Fotografi Landscape” ne Festivalin e Fotografisë në Lezhë. Falënderim  i veçantë për koordinatorin Liridon Shala dhe organizatorin, Drejtorin për Turizëm, Renaldo Xhanej”, ka shkruar në profilin e tij, Bajrush Ahmeti.  /2LONLINE/