Foshnja rrezikohet seriozisht nga shtrati ku fle, keni kujdes

Shkencëtarët e Shkollës Universitare Mjekësore të Uashingtonit kanë zbuluar një rrezik serioz që gjendet pikërisht në dhomën e çdo foshnje, e që deri më tani është neglizhuar e nuk është vlerësuar sa duhet nga prindërit.

Në fakt është folur e “zbuluar” me kohë se rrezik për një foshnjë mund të bëhet edhe vetë nëna e saj apo se edhe pakujdesia më e vogël në shumë plane sjell menjëherë pasoja tragjike, pasi foshnjat janë qenie mjaft të brishta.

Çdo foshnje, përpos elementeve të përbashkëta, reflekton edhe ato të veçanta, pasi sikurse dhe i rrituri, çdo foshnje është një unikat, që ka pika të dobëta.

Të paktën kështu sugjerojnë rezultatet e një studimi të fundit nga SHBA-ja, të cilat duhen marrë plotësisht në konsideratë, pasi janë bazuar në shifra e statistika konkrete.

Nëse merren seriozisht pohimet dhe rekomandimet që rezultojnë prej tij, duket se shumëçka do të ndryshojë tërësisht mentalitetin global e atë tradicional për trajtimin e foshnjave, sjelljeve të tyre dhe sidomos të ambientit primar që rrethon krijesën e sapoardhur në jetë: krevatin e tij, që është njëkohësisht strehëza e tij primare, ku ai kalon më së shumti ditët, muajt dhe vitet e para.