Formohet Grupi G3 në Kuvendin Komunal të Gjilanit, Kushtrim Kadriu, Shef i Grupit

Në seancën e sotme të Kuvendit Komunal të Gjilanit edhe zyrtarisht u krijua Grupi G3, i cili do të funksionojë si një trupë e përbashkët komunale, transmeton Portali 2LONLINE.com.

G3 përbëhet nga përfaqësuesit e subjekteve politike: Renan Imami nga KDTP, Ali Selimi nga BNA dhe Kushtrim Kadriu nga Lëvizja Vatra.

“Grupi G3, është krijuar me qëllim të bashkëpunimit institucional dhe përfaqësimit sa më të mirë të interesave të qytetarëve, si dhe të subjekteve që përbëjnë këtë grupim. Angazhimi ynë do të jetë i përqendruar në transparencë, bashkëpunim dhe veprim në shërbim të qytetit të Gjilanit dhe qytetarëve të tij”, ka thënë për 2LONLINE.com, Kushtrim Kadriu, shef i këtij Grupi.  /2LONLINE/