Formohet ekipi punues për zbatimin e projektit për mbështetjen e personave të moshuar dhe personave me aftësi të kufizuara
Formohet ekipi punues për zbatimin e projektit për mbështetjen e personave të moshuar dhe personave me aftësi të kufizuara në Komunën e Kamenicës.
Drejtori i Drejtorisë për Shëndetësi dhe Mirëqenie Sociale në Komunën e Kamenicës, Besart Kryeziu, ka mbajtur takim pune me përfaqësuesit e drejtorisë, me qëllim koordinimin dhe ndërmarrjen e hapave konkretë për fillimin e zbatimit të projektit për mbështetjen e personave të moshuar dhe personave me aftësi të kufizuara, të cilët nuk kanë përkujdesjen e nevojshme familjare.
Gjatë takimit u diskutuan aktivitetet e planifikuara, mënyra e organizimit dhe koordinimi i punëve për realizimin e projektit. Me këtë rast, u formua edhe ekipi punues, i cili do të jetë përgjegjës për koordinimin dhe zbatimin e aktiviteteve në kuadër të këtij projekti.
Projekti pritet të fillojë së zbatuari shumë shpejt dhe ka për qëllim ofrimin e mbështetjes dhe përkujdesjes për kategoritë në nevojë, duke kontribuar në përmirësimin e mirëqenies dhe cilësisë së jetës së tyre.
Drejtoria për Shëndetësi dhe Mirëqenie Sociale mbetet e angazhuar në realizimin e aktiviteteve dhe projekteve që synojnë mbështetjen e qytetarëve, veçanërisht të kategorive më të ndjeshme të shoqërisë. /2LONLINE/