Foreign Affairs në një shkrim nga analisti Edward Joseph, tërheq vërejtjen për stabilitetin e brishtë në tri shtete të Ballkanit, Maqedoni, Bosnjë dhe Kosovë.
Derisa Qeveria Amerikane nuk ka dhënë ndonjë deklaratë nga podiumi i pushtetit në Washington lidhur me konfliktin në Kumanovë ku u vranë 22 dhe u plagosën dhjetëra të tjerë, shumica shqiptarë, magazini politik amerikan, Foreign Affairs në një shkrim nga analisti Edward Joseph, tërheq vërejtjen për stabilitetin e brishtë në tri shtete të Ballkanit, Maqedoni, Bosnjë dhe Kosovë dhe rrezikun e një përzierje të oportunistëve, trnameton rtklive.
“Në një kohë kur Maqedonia përballet me një potencial të shpërthimit të brendshëm, Bosnja me një unitet më të brishtë që nga lufta dhe me Kosovën dëshmitare të një eksodi masiv të shtetasve të cilët sikur kanë humbur shpresat në pushtetin e saj të korruptuar dhe të përçarë, këto tri vende më të rrezikuara e të rajonit janë buzë gremine.” Artikulli tërheq vërejtjen e një përshkallëzimi dhe ‘rrëshqitjen kah radikalizmi apo edhe konflikti ndëretnik, i nxitur nga shfrytëzimi i situatës nga Rusia apo islamizmi radikal, si plotësisht të besueshme.’ Dhe nëse ndodhë kjo, shkruan më tej Foreign Affairs, ‘SHBA dhe diplomatët Evropian më në fund janë të detyruar të japin përgjige në pyetjen: Kush e humbi Ballkanin?’
Artikulli më tej thekson se ashtu si në kulmin e luftërave në ish-Jugosllavi, Washingtoni dhe Brukseli do t’ia drejtojnë gishtin njëri-tjetrit. Mirëpo thuhet se faji duhet të jetë i dyanshëm, sepse as kriza në Ukrainë e as ajo në Lindjen e Mesme nuk mund të jenë alibi për politikat e druajtura dhe vëmendja sporadike Perëndimore e viteve të fundit. “Është e vërtetë se destabilizimi i Ballkanit përbën kërcënim shumë më të vogël të interesave perëndimore sesa agresioni Putinit apo barbarizmat e e ISIS-it, mirëpo Ballkani përbën një sfidë shumë më pak të vështirë për ta kapërcyer,” thuhet më tej.
Foreign Affairs konstaton se ‘Washingtoni ja dorëzoi përgjegjësitë kryesore për Ballkanin BE-së para kohe, e kjo gjithashtu para kohe udhëheqësve të rajonit. Pa karrota dhe shkopinjë kuptimplotë nga ana e BE-së që do të frenonin sjelljen e tyre, këta politikanë kanë konsoliduar patronazhet e rrjeteve të tyre të korruptuara, kontrollojnë apo frikësojnë mediat dhe po i rezistojnë reformat përmbajtësore,” thuhet ndër të tjera në vështrimin e magazinit politik, Foreign Affairs.
http://www.rtklive.com/?id=2&r=30441