Forcimi i institucioneve kërkon dije, guxim, vetëdijësim, përgjegjësi dhe profesionalizëm

/2L ONLINE/ – Organizimi i koncertit për nderë të ditës së Pavarësisë mblodhi shumë qytetarë në Shtëpinë e Kulturës “Isa Kastrati” në Kamenicë. Në fjalën e tij Kryetari i Komunës Begzad Sinani uroi qytetarët për 8 vjetorin e shtetit.

“Koha po dëshmon, koha po tregon se ende ne kemi nevojë që të kuptojmë njëherë e mirë se krijimi dhe forcimi і institucioneve kërkon dije, guxim, vetëdijesim, profesionalizëm dhe përgjegjësi në përmbushjen e detyrave qe jemi të thirrur dhe si asnjëherë me parë, na duhet një ndryshim rrënjësor strukturor të modaliteteve udhëheqëse si asnjëherë më parë sot na duhet ringjallja e shpresës për punë, për jetë, për të ardhmen tonë, për të ardhmen e fëmijëve tanë”, ka thënë Sinani.

Sipas tij, sot po bëhet përpjekje maksimale për të qenë aktiv në përmbushjen e objektivave që kërkojnë qytetarët. “Mirëpo për këtë synim nuk mjafton vetëm dëshira dhe vullneti і një njeriu apo і një ekipe por kërkohet angazhimi ynë і përbashkët i drejtpërdrejtë në realizimin e interesave të qytetarëve të Komunës së Kamenicës”, ka thënë Sinani.

Përndryshe, për nderë të përvjetorit 8-të, të shtetësisë së Republikës së Kosovës Në holin e Shtëpisë së Kulturës u hap edhe foto ekspozita e Arian Mavriqit, i cili është i pasionuar ndaj fotografisë artistike, gjatë kohës edhe ka arritur suksese.

Kjo është ekspozita e dytë e këtij artisti i cili nëpërmjet fotografive gjurmon të pa njohurat, paraqet bukuritë e rralla të natyrës së komunës sonë , por angazhohet që nëpërmjet fotografisë të jap edhe me mesazhe sociale, politike dhe filozofike. /2L ONLINE/