Forca e Sigurisë së Kosovës dhe Policia e Kosovës parakaluan sot me rastin e 17-vjetorit të Pavarësisë së Kosovës
Sot, me rastin e 17-vjetorit të Pavarësisë së Kosovës, Forca e Sigurisë së Kosovës dhe Policia e Kosovës mbajtën një paradë madhështore në qendër të Prishtinës.
Përpara qytetarëve, parakaluan ushtarët dhe policët e Kosovës, por edhe automjetet dhe pajisjet ushtarake dhe policore me të cilat mbrohet dhe sigurohet sovraniteti dhe integriteti territorial i Kosovës.
Qytetarë të shumtë dolën në rrugë për të përcjellë parakalimin, duke shprehur urime dhe përgëzime për 17 vjetorin e pavarësisë së Kosovës.
Ata shprehën mirënjohjen dhe mbështetjen e tyre për FSK-në dhe Policinë e Kosovës, duke vlerësuar rolin e tyre kyç në garantimin e sigurisë dhe stabilitetit të vendit, njofton FSK. /2LONLINE/