Fondacioni Kosova-Luksemburg mbështetet të varfërve e Komunës së Vitisë

/2L ONLINE/ – Fondacioni Kosova-Luksemburg e cila viteve të fundit është aktive me projektet e saj në Komunën e Vitisë, tani po jep edhe një kontribut të madh në përmirësimin e jetës qytetarëve të kësaj komune dhe atë përmes formave në fusha të ndryshme, e posaçërisht në atë të bujqësisë.

Përveç projekteve të tjera të cilat kanë qenë të mirëseardhura në përgjithësi për qytetarët e kësaj komune, ky fondacion ka nisur një projekt tjetër që ka të bëjë me mbështetjen e kategorisë sociale, respektivisht familjeve skamnore.

“Përkrahje për më të varfrit në Komunën e Vitisë” është projekti që synon mbështetjen e personave të cilët janë të papunë për një kohë të gjatë, por edhe të atyre personave të cilët janë në asistencë sociale kategoria-II etj, duke u siguruar mundësi punësimi përmes skemës : Subvencionimi i Pagës.

Fisnik Beqiri zyrtar i projektit, tha, se ai do të realizohet në bashkëpunim edhe me komunën e Vitisë dhe Ministrinë e Mirëqenies Sociale. Në kuadër të këtij projekti fillimisht përfaqësuesit e fondacionit, ditën e martë më 13 tetor 2015 në sallën e Kuvendit Komunal të Vitisë, nga ora 10:00 do të mbajnë një sesion informues me bizneset e komunës së Vitisë, të cilat do të informohen më gjerësisht rreth këtij projekti në përgjithësi, ka thënë Beqiri. /2L ONLINE/