Florina Jerliu: Do të angazhohem për drejtësi dhe transparencë në qeverisje ku çdo qytetarë do të trajtohet barabartë

Florina Jerliu është njëra nga kandidatet për Asamblenë Komunale të Gjilanit nga radhët e LDK-së, në zgjedhjet e tetorit.

Vet, ajo shprehet se beson në fitore dhe se si anëtare e Kuvendit Komunal do të angazhohej për drejtësi dhe transparencë në qeverisje ku çdo qytetarë do të trajtohet barabartë.

“Do të angazhohem në krijimin dhe mbështetjen e  projekteve inovative që krijojnë  mundësi  për të rinjtë dhe zhvillim të qëndrueshëm ekonomik në qytetin tonë. Gjithashtu do të punojë fuqishëm në përmirësimin e shërbimeve publike, mbrojtjen e mjedisit dhe mirëqenien e qytetarëve ”, ka thënë Florina jerliu.

Fjalë të mëdha për të, ka edhe Arbër Ismajli, kandidat i këtij subjekti politik për kryetar komune.

“Florina Jerliu është një personalitet i dalluar që ka ditur gjithmonë të qëndrojë pranë njerëzve dhe të japë kontributin e saj në komunitet”, thotë Ismajli.

Sipas tij, me përvojë, vlera të forta dhe vullnet për të sjellë ndryshim, Florina vjen në këtë garë për të ofruar përfaqësim të denjë e të ndershëm për qytetarët tanë.

“Florina Jerliu është e gatshme të punojë me përkushtim për një Gjilan më të drejtë, më solidar dhe më të zhvilluar”, thotë Ismajli.  /2LONLINE/