FL-210 & Cessna 172BFadil Kajtazi

FL-210 & Cessna 172B

Fluturimi FL-210 i datës 20 mars 2019 për të cilin publikun e informoi Klan Kosova, rezulton të jetë fluturim ilegal.

Shkruan: Fadil KAJTAZI

Kjo për faktin se autoritetet e Agjencisë së Shërbimeve të Navigacionit Ajror të Kosovës deklarojë së fluturimi ishte mbi lartësinë 6 metra dhe është kompetencë e Hungariakontrol e cila me një marrëveshje me Këshillin e NATO-së, kontrollon hapësirën e lartë ajrore të Kosovës, ndërsa fluturimi në fjalë, sipas zyrtarëve të kësaj agjencie, thuhet të jetë i porositur nga “Hungariakontroll me qëllim të kontrollit dhe kalibrimit të shërbimeve të aeronautikës” .

Fakti se (sipas Klan Kosova), një porosi të tillë e kishte mohuar ta ketë bërë Hungariakontroll, shton dilemën e fluturimit misterioz të aeroplanit serb të kompanisë private SMATSA e cila ofron shërbime të specializuara për aviacionin civil dhe ushtarak në fushën e aeronautikës (AIS, Aeronautical Information Services).

Se fluturimi është ilegal nuk do koment nga fakti se të dyja institucionet që merren me menaxhimin e hapësirës ajrore të Republikës së Kosovës e mohojnë ta kenë bërë një porosi të tillë. Dilema e këtij fluturimi misterioz është se kush në të vërtetë është porositësi, që sipas gjitha gjasave një gjë të tillë duhet ta ketë bërë ndonjë dikaster ministror i Serbisë apo agjencinë dhe me dedikim grumbullim të dhënash për qëllime armiqësore ndaj Kosovës.

Nëse fluturimi do të ishte në funksion të “kontrollit dhe kalibrimit të shërbimeve të aeronautikës” përpos që do të kishte një porositës dhe do të zhvillohej sipas një protokolli zyrtar, ai do të kishte edhe një marshutë tjetër; aj do të realizohej në lartësitë dhe korridoret të cilat i shfrytëzon për komunikacion aviacioni civil i cili e shfrytëzon transit hapësirën ajrore të Kosovës dhe shfrytëzon shërbimet aeroportuale të aeroportit “Adem Jashari”.

Fakti se ky fluturim nuk kishte këto marshuta, por të tjera, tregon se aeroplani i firmës SMATSA ishte kamuflim i aktiviteteve të spiunazhit të realizuar nga Qeveria e Serbisë. Kjo duhet të merret në konsideratë dhe e vërtet për disa arsye:

Së pari, ne kemi tërhequr vërejtjen për mundësitë e mëdha të spiunazhit serb për ndikimin e aktivitetet e përditshme të jetës shoqërore kosovare. Fakti se fluturimi misterioz FL-210 i datës 20 mars 2019, ishte lajm i vetëm një mediumi dhe me të nuk u morr askush, është bazë për dyshime. Në vendet normale, ky lajm do të ishte top lajm dhe, do të kishte një hetim qeveritar. Fakti se kjo u mbulua me një heshtje dëshmon nivelin e agjenturës influente serbe dhe se faturimi kishte qëllime spiunazhi.

Së dyti, zig – zagu i lëvizjes së sinkronizuar në hapësirën kosovarë duke filluar të përshkoi hapësirën territoriale nga Peja, Gjakova, Prizreni, Zubin Potoku Gjilani, në planshetë vizatohet një gjurmë në formë të shkronjës “W”, formë kjo që nënkupton lëvizje të sinkronizuar që bëhet me rastin e incizimit të hapësirës territoriale.

Siç dihet, Ushtria serbe në kuadër të armatimit të vet ka futur sisteme artilerie me gradim digjital i cili ka të domosdoshëm krijimin e hatave digjital. Dhe njëra nga arsyet e fluturimit të këtij aeroplani mundë të jetë “kontrolli dhe kalibrimi” por jo i porositur nga Hungariankontrol, por nga Qeveria e Serbisë.

Me 28.05.1987, gjermani Mathias Rust, me një aeroplan të vogël sportiv Cessna 172B, pati realizuar fluturimin e padukshëm në hapësirën territoriale të Bashkimit Sovjetik, duke aterruar në “Sheshin e Kuq” në Moskë. Kjo ngjarje, simbolikisht shënon fazën e fillimit të dekompozimit të shtetit sovjetik. Shpresojmë që fluturimi FL-210 të mos jetë një ogur i keq.

Në katrahurën institucionale që ka përfshirë shtetin e Kosovës, si rezultat i Presidentit të vendit, i cili vetën e ka vënë në dispozicion të copëtimit të territorit të Republikës së Kosovës dhe, Kryeministrit në funksion të rrënimit të marrëdhënieve me aleatët, për qytetarin normal FL-210 është simbolikë e keqe.

Ky artikull nuk pasqyron qëndrim editorial të redaksisë! Për më tepër, ju lutem lexoni kushtet e përdorimit.

KOMENTE