Fjetja me kafshë shtëpiake nuk iu bën mirë

Fjetja me qenë apo mace nuk është një zakon i mirë, siç besojnë disa të dashuruar pas kafshëve, sipas një hulumtimi të bërë kohëve të fundit.

Tridhjetë për qind e pronarëve, të cilët e ndajnë shtratin me miqtë e tyre katërkëmbësh, kanë pranuar se të paktën një herë kanë ndarë shtratin e tyre gjatë natës me “të dashurit e tyre”.

Edhe 63% e pronarëve të cilët flenë më shumë se katër herë në javë me kafshë shtëpiake, kanë thënë se gjumi i tyre ishte shumë i keq. Ndërkaq 5% prej tyre nuk mund të flinin gjumë, sepse kafshët e tyre i përkëdhelnin dhe i mbanin të zgjuar, raporton Huffington Post.

Rezultatet e hulumtimit janë publikuar në “Sleep 2014”, në mbledhjen e 28-të vjetorit të Shoqatave për ndihmë profesionale me gjumë. Studimet e mëparshme kanë zbuluar cilësinë e gjumit, kur bëhet ndarja e shtratit me një partner ose fëmijë, por tani hulumtimi është përqendruar në kafshët.

Hulumtuesit thanë se ky është studimi i parë i kësaj teme, të cilët kanë biseduar me 300 pacientë, duke u parashtruar atyre 17 pyetje në lidhje me kafshët e tyre (nëse i posedojnë) dhe në lidhje me cilësinë e gjumit të tyre. Deri në 148 prej tyre kanë pranuar se e ndajnë shtratin me ta.

Rezultatet treguan se mosha dhe gjinia e pronarit, dhe lloji i kafshëve (qen ose mace) ishin kritike për cilësinë e gjumit.