Fituesi i derbit Drita-Gjilani, një javë n’deti!

/2L ONLINE/ – Selver Xhelili, dikur ishte në krye të Drejtorisë Komunale për Kulturë, Rini e Sport në Gjilan e ku vlerësohet për angazhimin e tij për sportin gjilanas. Ai tani është pronar i Kompleksit “Gjilani”, në Ksamil dhe akoma mendon për sportin përkatësisht se si ta ndihmojë atë.

Mu për këtë, Xhelili ka bërë me dije se për fituesin e derbit gjilanas “Drita – Gjilani”, të ofrojë falas për ekipin fitues një javë pushim në Ksamil.

Fati deshi që Superliga në Futboll ku bëjnë pjesë që të dyja ekipet gjilanase të nis qysh në xhiron e parë me një derbi të madh dhe Xhelili ka menduar edhe për këtë se si ta madhështojë edhe më, një ndeshje futbolli që Gjilanin e shndërron në qytet feste. Ai ka ndarë një fond për të mbuluar pra shpenzimet njëjavore të ekipit fitues që do të pushojë në Ksamil. /2L ONLINE/