Fitore e pastër e Dritës ndaj Golden Eagle Theranda
Klubi i Volejbollit Drita ka shënuar fitoren e dytë në këtë edicion të Superligës A, duke e mposhtur Golden Eagle Therandën me rezultat të pastër 3-0.
Volejbollistët e skuadrës gjilanase kanë dhënë maksimumin në parket për të arritur rezultat pozitiv, në këtë sfidë tejet të rëndësishme të kampionatit.
Superliga A – Meshkujt | Xhiro 5
Golden Eagle Theranda 0-3 Drita
19:25, 21:25, 24:26
Drejtuesit e KV Drita janë shprehur të lumtur që triumfuan në Suharekë ndaj skuadrës Golden Eagle Theranda, duke fituar me rezultat të pastër 3:0 në sete!
“Një paraqitje e shkëlqyer e ekipit tonë, që dëshmon forcën, përkushtimin dhe shpirtin luftarak të djemve tanë”, thuhet në njoftimin e klubit.
Përndryshe, pas pesë xhirove, Drita regjistroi fitoren e dytë të sezonit, ndërkohë që synimet e klubit janë më të larta. /2LONLINE/