Fitore e mundimshme e Dritës ndaj Vushtrrisë, por e rëndësishme për vetëbesim

FC Drita ka shënuar një fitore minimale e të mundimshme ndaj Vushtrrisë, por shumë të nevojshme për tu këndellur, pas eliminimit nga garat evropiane në Ligën e Konferencës, të cilin eliminim duket se skuadra kampione e ka përjetuar rëndë.

Ishin pritjet e mëdha të skuadrës “bardh e kaltër”, për tu kualifikuar në fazën e Ligës së Konferencës,  andaj mossuksesi vuri në vështirësi këtë skuadër dhe dukej se po “humbiste rrugë”, porse fitorja e sotme ndonëse minimale dhe me plotë mundë, vlerësohet fitore e rëndësishme për vetëbesim.

Vushtrria – Drita 0:1. Golashënues Arb Manaj në minutën e 77-të.

Kjo është fitorja e dytë e Dritës e cila ka tani 6 pikë dhe kujtojmë se ndeshjen e javës së dytë, atë ndaj Prishtinës, skuadra gjilanase e ka të pazhvilluar, pikërisht për shkak të angazhimeve në Evropë.

Nga Drita tani pritet fokusimi qind për qind në ligën vendore dhe në titujt si: Titulli Kampion, Kupa e Kosovës dhe SuperKupa. /2LONLINE/