Fitim Bajrami synon postin e kuvendarit

Ndër ata që përherë të parë synon postin e anëtarit të Kuvendit Komunal të Gjilanit është edhe psikologu Fitim Bajrami.

Ai është pjesë e listës garuese të Lidhjes Demokratike të Kosovës (LDK), që në zgjedhjet e 12 tetorit  synon të jetë pjesë e Kuvendit Komunal për t’i shërbyer qytetarit dhe komunës.

Fitim Bajrami, që me profesion është psikolog organizativ tha se edhe nga profesioni e di se sa ka rëndësi të dëgjosh dhe të kuptosh qytetarin e e Komunës, prandaj edhe kandidon për të qenë pjesë e asamblesë komunale, për ta përfaqësuar denjësisht zërin e qytetarëve.

Po ashtu thotë ai, do të jetë i gatshëm në bashkëpunim për çdo vendim për të mirën e qytetarëve dhe qytetit të Gjilanit.

Fitim Bajrami thotë tutje se po që se e fiton besimin qytetarë do të angazhohet maksimalisht për zhvillim në fusha të ndryshme si në ; arsim, shëndetësi, bujqësisë, siguri dhe zhvillimin ekonomik e social, në ngritjen e mirëqenies në çdo familje.

“Bashkë ne mund ta bëjmë komunën tonë me të drejtë, më të zhvilluar dhe më të fortë”, ka thënë Fitim Bajrami, kandidati i LDK-së për asamble komunale, në zgjedhjet e 12 tetorit.  /2LONLINE/