FINAL FOUR 2014 e Balkan League’s në Prishtinë

Drejtuesit e klubit të basketbollit, Sigal Prishtina janë shprehur të kënaqur me përfitimin e organizimit të Final Four të Ligës ballkanike të basketbollit.

Klubi i Basketbollit, Sigal Prishtina është nikoqir i pjesës finale të Ligës ballkanike të basketbollit (BIBL). Drejtuesit e klubit bardhekaltër janë shprehur të kënaqur me këtë arritje.

“Ëndrra bëhet realitet! Ju njoftojmë se menaxhmenti i Ligës Ballkanike ka vendosur që ‘Final Four’ do të zhvillohet në Prishtinë” transmeton Portali Sport1.com.

“Puna, mundi, sakrifica, vullneti i mirë, solidariteti dhe dashuria ndaj këtij Klubit nga Kryesia, Plisat, Prishtinasit por edhe e nga e gjithë Kosova e diaspora më në fund u shpagua! Faleminderit të gjithëve për përkrahjen. Së bashku, ia dolëm! Urime!”, thuhet në njoftimin për media të Sigal Prishtina.