Filloristët e shkollës “Thimi Mitko”,vizitojnë Gjykatën Themelore në Gjilan
Gjykatën Themelore në Gjilan sot e kanë vizituar nxënësit e Shkollës Fillore “Thimi Mitko” të Gjilanit, me rastin e Ditës Botërore të Fëmijëve.
Me këtë rast, fëmijët janë pritur nga gjyqtarët e kësaj gjykate Arben Xheladini, Dardan Maloku, Administratori Shkëlqim Dushica dhe Shefja e Zyrës Qendrore për Menaxhimin e Lëndëve, Valbonë Dulahu.
Nxënësit fillimisht janë njoftuar për juridiksionin dhe strukturën e gjykatës.
Më pas nxënësit parashtruan pyetje të ndryshme, duke marr përgjigje nga gjyqtarët.
Ndryshe kjo ditë i kushtohet të drejtave, mirëqenies dhe zërit të fëmijëve në mbarë botën. 20 nëntori lidhet edhe me miratimin e Konventës për të Drejtat e Fëmijës nga OKB-ja në vitin 1989. /2LONLINE/
