Filloristët argëtohen me shfaqjen “Teatri Fluturues” 

Filloristët e shkollës fillore “Thimi Mitko” në Gjilan por edhe fëmijë të tjerë, për pak kohë janë zhytur në aventurë dhe janë argëtuar me shfaqjen “Teatri Fluturues” , i dhënë enkas për ta, para Teatrit të Qytetit të Gjilanit.

“Teatri Fluturues”, u pa si një shfaqje magjike për fëmijë, që udhëtoi me ngjyra, muzikë dhe lojë drejt çdo qyteti që ka harruar të qeshë.

Aventura e katërshes: Klauni, Ana, Maestro Ritmo dhe Zyqi, bënë që t’i përfshijë edhe fëmijët në të, duke i bërë pjesë të shfaqjes, transmeton 2LONLINE.com.

Për shfaqjen:
Në një botë që nganjëherë harron të qeshë, katër udhëtarë të veçantë nisen në një aventurë për ta rikthyer buzëqeshjen tek fëmijët — një klaun i trishtuar, një vajzë që ruan ngjyrat në kuti, një kompozitor i tingujve të harruar dhe një zyrtar që zbulon shpirtin e fëmijës brenda vetes.

Ata ndërtojnë një teatër që nuk ka mure, skenë apo bileta — “Teatrin Fluturues”, një teatër mobil që udhëton me furgon nëpër shkolla, parqe, lagje dhe hapësira publike, duke çuar artin aty ku është më i nevojshëm: tek fëmijët.

Regjia: Erson Zymberi
Luajnë: Safete Mustafa Alban Shahiqi, Gani Rrahmani, Blendi Arifi
Kostumet: Leudita Hyseni
Organizator: Dhurim Ismaili – Dajki
Grafika: Besar Rexhepi
Menaxher i projektit: Ernest Zymberi

Ky projekt u realizua nga Organizata Kulturore “Anamour, mbështetur nga Ministria e Kulturës, Rinisë dhe Sportit të Republikës së Kosovës. /2LONLINE/