Fillon procesi i dezinsektimit, dezinfektimit dhe deratizimit

Komuna e Kamenicës ka nisur sot procesin e dezinsektimit, dezinfektimit dhe deratizimit (DDD) në objektet publike komunale.

Ky proces po zhvillohet në objektet komunale, Qendrat e Mjekësisë Familjare (QMF), si dhe në objektet arsimore, përfshirë çerdhet dhe shkollat.

Procesi është planifikuar të zgjasë tri ditë, me qëllim të krijimit të një ambienti sa më të pastër, të sigurt dhe të përshtatshëm për qytetarët, nxënësit, fëmijët dhe stafin e institucioneve publike.

Kjo ndërhyrje synon të kontribuojë në përmirësimin e kushteve higjienike dhe në ruajtjen e shëndetit publik në hapësirat ku ofrohen shërbime për qytetarët.

Komuna e Kamenicës falënderon qytetarët për mirëkuptimin dhe bashkëpunimin gjatë realizimit të këtij procesi. /2LONLINE/