Fillojnë punimet në rrethojnë e oborrit të shkollës në fshatin Zhiti

/2L ONLINE/ – Kanë filluar sot punimet në vendosjen e rrethojës në oborrin të shkollës fillore “ Safet Rexhepi” Zhiti. Gurë themelin e këtij projekti e ka vendosur kryetari i komunës së Vitisë, Sokol Haliti me bashkëpunëtor, personeli arsimor i kësaj shkolle si dhe banorë të këtij lokaliteti.

Ky projekt që financohet nga Komuna e Vitisë është mirëpritur nga banorët pasi që në diskutimin e fundit publik për planifikimin e buxhetit komunal ishin vet ata që kishin kërkuar vendosjen e kësaj rrethoje për sigurinë e nxënësve.

Kryetari i Komunës së Vitisë, Sokol Haliti i ka uruar personelin arsimor dhe nxënësit e kësaj shkolle për projekti që ka filluar duke bërë me dije se Institucionet Komunale të Vitisë do të vazhdojnë të punojnë në të gjitha sektorë që përmirësojnë drejtpërdrejtë jetën e qytetarëve.

” I kemi vënë synim vetës që edhe gjatë këtij viti të realizojmë sa më shumë projekte në interes të gjithë qytetarëve tanë pa dallime, dhe në kuadër të këtyre synimeve ne po fillojmë edhe këtë projekt i cili është i një rëndësie të veçantë për personelin arsimor si dhe për nxënësit.” U shpreh Haliti. /2L ONLINE/