Fillojnë punimet në rregullimin e një rruge bujqësore në Sadovinë të Jerlive

/2L ONLINE/ – Me qëllim që fermerët vitias të kenë më lehtë qasjen në parcelat e tyre dhe të shtohen sipërfaqet e mbjellura me kulturat e ndryshme bujqësore, Komuna e Vitisë është duke bërë shtruarjen me zhavorr të disa rrugëve fushore. Me këtë rast sot në fshatin Sadovinë të Jerlive kanë filluar punimet në shtruarjen e rrugës fushore në drejtim të fshatrave Sllatinë e Poshtme dhe Sllatinë e Epërme. Me këtë rast Kryetari i Komunës së Vitisë, Sokol Haliti si dhe Veton Ademi, Drejtor i Drejtorisë për Bujqësi, Pylltari dhe Zhvillim Rural kanë dal në teren për të parë nga afër punimet e sapo filluar.

Veton Ademi, Drejtor i Drejtori për Bujqësi, Pylltari dhe Zhvillim Rural foli mbi rëndësinë që ka shtruarja e kësaj rruge në Sadovinë të Jerlive. “Me shtrimin e kësaj rruge fermerët do të kenë më të lehtë qasjen në parcelat e tyre por kjo do të ndikon njëkohësisht që fermerët të nxitën për të punuar tokën.” U shpreh Ademi. Ai bëri me dije se që 3 vjet radhazi komuna e Vitisë po realizon projektin projekte në rregullimin e infrastrukturës bujqësore, konkretisht të shtrimit me zhavorr të rrugëve duke potencuar se për këtë vit janë të paraparë të rregullohen 7 rrugë të tilla.

Ndërkaq Sefedin Fetahu, Kryetar i fshatit Sadovinë e Jerlive potencoi se me shtrimin e kësaj rruge fushore mbi 50% e fermerëve të këtij fshati do t a kenë më të lehtë qasjen në parcelat e tyre. /2L ONLINE/