Fillojnë punimet në ndërtimin e parkut në Pozheran

/2L ONLINE/ – Në fshatin Pozheran të Vitisë ka filluar sot projekti i ndërtimit të parkut të këtij fshati. Në ceremoninë e përurimit të fillimit të këtij projekti përveç përfaqësuesve të Institucioneve Komunale të Vitisë kanë marrë pjesë edhe banorët e këtij lokaliteti si dhe Këshilli i fshatit Pozheran të cilët në veçanti e mirëpritën këtë projekt që do të financohet me mjete vetanake të komunës së Vitisë.

Përndryshe vlera e ndërtimit të këtij parku do të jetë rreth 80 mijë euro ku do të rregullohet hapësira me, gjelbërim, trotuar, fontanë etj dhe atë në një sipërfaqe prej 5 mijë metra katror.

Kryetari i Komunës së Vitisë, Sokol Haliti para fillimit të punimeve për ndërtimin e parkut të Pozhranit ndër tjerash tha se ndërtimi i këtij parku ka qenë e nevojshme me qenë se Pozherani është lokaliteti më i madh në këtë komunë.

“Me të vërtetë ka qenë e nevojshme që në Pozheran të ndërtohet një park dhe shëtitore e cila në të vërtetë krijon hapësirë qytetarëve për atraksione dhe mundësi dhe atë edhe për vendqëndrime, vend takime, për tubime të ndryshe sepse me të vërtetë kjo i ka munguar këtij lokaliteti” u shpreh Haliti.

Haliti po ashtu përmendi edhe projektet të cilat janë duke u realizuar në fshatin Pozheran si ndërtimi i Ambulantës me emergjencën duke potencuar se shpreson se përurimi i këtij projekti do të bëhet së shpejti. Kryetari Haliti ka folur edhe rreth përpjekjeve të qeverisë komunale për ndërtimin e një shkolle të re fillore në Pozheran duke potencuar se shpreson se në vitin në vijim do të gjenet një mundësi me Institucionet qendrore për ndërtimin e një shkolle të re me një projekt 2 vjeçar.

Ai gjithashtu ka folur edhe për çështjen e infrastrukturës rrugore duke potencuar se gjatë këtyre ditëve ka filluar rivitalizimi i rrugës Kllokot-Viti-Gërlicë dhe paralajmëroj se shpejti do të fillojnë punimet edhe në rrugën Kllokot-Ferizaj.

“Ne si qeveri komunale kemi ngulur këmbë që do mos bëhet vetëm rivitalizimi i njërës magjistrale dhe së shpejti do të fillojnë punimet edhe në rrugën tjetër magjistrale ” U shpreh Haliti.

Ndërkaq Driton Rama, kryetari i këshillit të fshatit Pozheran falënderoj Institucionet komunale për këtë projekt i cila tha se ky park do të jetë në shërbim e të gjithë grup moshave.

Ndërkaq Naim Pira, Kryesues i Kuvendit Komunal pasi shprehu falënderimet rreth këtij projekti bëri me dije se në të ardhmen pritet të bëhet edhe asfaltimi i katër rrugëve në këtë fshat por edhe përurimi i ambulantes me emergjencë.

Përndryshe vlera e ndërtimit të këtij parku do të jetë rreth 80 mijë euro ku do të rregullohet hapësira me , gjelbërim, trotuar, fontanë etj dhe atë në një sipërfaqe prej 5 mijë metra katror./2L ONLINE/