Fillojnë punën 37 zyrtarë ligjorë në gjykatat e Republikës së Kosovës

Pas përfundimit me sukses të procedurave ligjore të rekrutimit dhe mbylljes së afatit për ankesa, sot janë nënshkruar aktet e emërimit për 37 zyrtarë ligjorë në administratën e sistemit gjyqësor të Republikës së Kosovës.

Nga gjithsej 37 zyrtarë ligjorë të emëruar, 33 janë femra dhe 4 meshkuj. Në kuadër të këtij procesi janë emëruar edhe përfaqësues të komuniteteve joshumicë, përkatësisht dy (2) nga komuniteti serb, dy (2) nga komuniteti boshnjak dhe një (1) nga komuniteti turk.

Këshilli mbetet i përkushtuar në zbatimin e përpiktë të detyrimeve ligjore për krijimin e kushteve të nevojshme për funksionimin efikas të gjykatave, duke garantuar respektimin e parimeve të ligjshmërisë, transparencës dhe meritokracisë në proceset e rekrutimit dhe përzgjedhjes së stafit, thuhet në njoftimin e Këshillit Gjyqësor të Kosovës. /2LONLINE/