Filloi sot asfaltimi i rrugës Gërmovë-Goshicë

/2L ONLINE/ – Në kuadër të projekteve të shumta infrastrukturore të cilat janë në realizim e sipër në lokalitetet të ndryshme të komunës së Vitisë, sot ka kanë filluar punimet në asfaltimin edhe të rrugës që lidh mes veti fshatrat Gërmovë dhe Goshicë.

Me rastin e fillimit të punimeve në asfaltimin e kësaj rruge, kryetari i komunës së Vitisë Sokol Haliti me bashkëpunëtor, kanë inspektuar sot punimet e sapo filluara. Kryetari Haliti tha se Komuna e Vitisë mbetet e përkushtuar të realizoj projekte infrastrukturore jo vetëm për të siguruar qarkullimin e lirë të banorëve, por edhe për të lidhur mes veti fshatrat e Komunës së Vitisë.

“ Jemi të vendosur që të krijojmë kushte qytetarëve të komunës sonë, që të kenë më të lehtë lëvizjen, dhe se një projekt i tillë i një rëndësie të veçantë është edhe ky i ditës së sotme që lidh fshatrat Gërmovë-Goshicë”, tha Haliti. /2L ONLINE/