Filloi riasfaltimi i rrugës Viti-Ramnishtë-Letnicë

/2L ONLINE/ – Rruga e cila lidhë qytetin e Vitisë me fshatrat Ramnishtë dhe Letnicë ishte cilësuar si një ndër rrugët më të dëmtuara por sot falë një investimi të Ministrisë së Infrastrukturës ka filluar të riasfaltohet një pjesë e kësaj rruge por edhe të riparohet pjesa dërmuese e saj.

Me këtë rast Kryetari i Komunës së Vitisë, Sokol Haliti me bashkëpunëtorë ka vizituar për së afërmi punimet që janë duke u zhvilluar. Ndërkaq qytetarët e kësaj pjese u shprehen të kënaqur që më në fund është ndërhyrë në përmirësimin e gjendjes së rrugës duke potencuar se për shkak të gropave dhe gjendjes shumë të keqe që ka qenë kjo rrugë kanë ndodhur aksidente të shumta të komunikacionit. /2L ONLINE/