Filloi kontrolli sistematik shëndetësor i nxënësve të Gjilanit

Ka filluar kontrolli sistematik shëndetësor i nxënësve në komunën e Gjilanit, i cili do të vazhdojë gjatë muajve në vijim në të gjitha shkollat publike dhe private të qytetit dhe të fshatrave, njofton Qendra Kryesore e Mjekësisë Familjare (QKMF) në Gjilan.

Ekipet mjekësore të QKMF-së “Dr. Nagip Rexhepi”, të përbërë nga mjekë familjarë, stomatologë dhe infermierë, ka nisur kontrollin sistematik të nxënësve të klasëve të para dhe të parashkollorëve.

Përmes këtyre vizitave, përveç parandalimit dhe identifikimit të sëmundjeve dhe anomalive të ndryshme, synohet gjithashtu edukimi i hershëm shëndetësor, njofton Qendra Kryesore e Mjekësisë Familjare (QKMF) në Gjilan.. /2LONLINE/