Filloi festivali “Flakadanit i Karadakut 2016”
/2L ONLINE/ – Sonte në Viti, është hapur edicioni i 15-të i festivalit të Shoqërive dhe Ansambleve të këngëve dhe valleve nga të gjitha trojet shqiptare, ngjarje kjo që mbahet në kuadër të Manifestimit tradicional kulturor e sportiv “Flakadani i Karadakut”.
Festivalin e sivjetmë, e shpalli të hapur drejtoresha për Kulturë Rini e Sport Kaltrina Sylejmani, e cila ka theksuar se ky eveniment i këngës dhe valles, ka shndërruar Vitinë si qendër të bashkimit të shqiptarëve ku do që jetojnë ata.
Nata e parë e Festivalit Flakadani i Karadakut 2016, është karakterizuar me paraqitjen e 3 ansambleve garuese: Shoqëria Kulturore Artistike “Zëri i Luginës” nga Bujanovci, Ansambli Xhavit Haziri nga Obliqi dhe Ansambli pakem nga Bursa e Turqisë , ndërkohë që me këngë e valle nga repertori i saj u paraqitën edhe anëtarët e Ansamblit Kemajl Azizi nga Vitia. Festivali do të vazhdoj edhe në dy netët e ardhshme me prezantimin e grupeve tjera. /2L ONLINE/
