FFK e uron Dritën për titullin kampion

“Urime FC Drita titulli i kampionit në Albi Mall Superligë”, thuhet në urimin e Federatës së Futbollit të Kosovës (FFK).

Në urim tutje thuhet:

Një tjetër sezon i jashtëzakonshëm për klubin gjilanas, i kurorëzuar me trofeun e kampionit pas një rruge të mbushur me përkushtim, cilësi, karakter dhe vazhdimësi gjatë gjithë kampionatit.

Përgëzime për futbollistët, stafin teknik, drejtuesit e klubit dhe tifozët besnikë “Intelektualët”, të cilët ishin forcë e madhe e skuadrës në çdo ndeshje.

Ky është titulli i pestë kampion në historinë e FC Drita dhe i dyti radhazi, dëshmi e dominimit dhe stabilitetit që kjo skuadër ka ndërtuar tashmë në futbollin kosovar.

Urojmë që FC Drita, si kampione, së bashku me FC Ballkani, FC Malisheva dhe FC Dukagjini, ta përfaqësojnë sa më denjësisht futbollin e Kosovës në garat evropiane dhe të vazhdojnë të dëshmojnë vlerat e futbollit tonë.

Urime dhe suksese në sfidat e reja!